महासंघबारे

आफ्नो दृष्टिकोण, ध्येय र उद्देश्य हासिल गर्न नेफिन आफ्ना नागरिक समाज संस्थाका सदस्य, सहयोगी र गठबन्धनसँग विभिन्न तरिकाले संलग्न हुन्छ र नेतृत्व, सहजीकरण, परिपूरण, सहकार्य, समन्वय, आह्वान, पैरवी र अभियानलगायत विविध भूमिका निर्वाह गर्छ। नेफिनले आफ्ना सदस्य संस्थाको दोहोरो काम गर्दैन, न त उनीहरूसँग प्रतिस्पर्धा नै गर्छ।

आवश्यकता अनुसार नेफिनले अधिकार, न्याय, दिगोपन र शान्तिका लागि राज्य, सरकारी वा निजी क्षेत्र तथा बजारका सरोकारवालाका नीति, अभ्यास र स्रोत विनियोजनलाई प्रभाव पार्न निगरानीकर्ता, दबाब समूह, पैरवीकर्ता र अभियन्ताको भूमिका पनि खेल्छ।