सप्तकोशी बाढी प्रभावितका लागि राहत र सहयोगका लागि आव्हान

उदयपुरको बेलका नगरपालिका स्थित सप्तकोशीको बाँध भत्किएर उदयपुर र सुनसरीका बस्तीमा पस्दा दुई हजारभन्दा बदी घरधुरी प्रभावित भएका छन् । प्रभावित परिवारहरुको उद्धार, सुरक्षित आवास र खाद्यान्न लगायतका राहत सामग्रीको तत्काल जरुरी छ र यस सम्बन्धमा गैरसरकारी संस्था महासंघ नेपालको गम्भीर ध्यानाकर्षण भएको छ । प्राकृतिक विपद्को यस अवस्थामा पीडितका लागि सुरक्षित आवास र खाद्यान्न लगायतका राहत सामग्रीहरु प्रदान गर्न र यस कार्यमा सहयोग पुर्‍याउन यस महासंघ अन्तर्गतका सम्पूर्ण प्रदेश तथा जिल्ला समिति र सदस्य संस्था लगायत सबैलाई आह्वान गर्दछौँ । साथै यस कार्यमा सहयोग पु-याउन दातृ संस्था, निजी क्षेत्र र अन्य सहयोगी संस्था र व्यक्तिलाई पनि अनुरोध गर्दछौं ।

विपद् रोकथाम र न्युनीकरणका साथै तयारीका कार्यहरुलाई थप प्रभावकारी बनाउन स्थानीय सरकार, प्रदेश सरकार र संघीय सरकार तथा सम्बन्धित निकायहरुसँग माग गर्दछौं ।

मिति : २०७९/०४/१९